ՈւՍՈՒՄԻ ՍԱՆԵՐԸ ԱՆԳԵՐԶԱՆԱՑԵԼԻ ԷԻՆ ՄԻՆՉԵՎ 13 ՏԱՐԵԿԱՆՆԵՐԻ ՇԱՇԿՈՒ ԵՐԵՎԱՆԻ ԱՌԱՋՆՈՒԹՅՈՒՆՈՒՄ

Մարտի 19-ին Երևանի Երևանի մարզատրամաբանական խաղերի (շախմատ, շաշկի, ռենձյոեւ, գո )մանկապատանեկան մարզադպրոցում( տնօրեն , ռենձյուի գրոսմայստեր , շաշկու և ռենձյուի ՀՀ ֆեդերացիաների նախագահ Ալբերտ Պողոսյան) մինչև 12 տարեկան աղջիկների ռուսական շաշկու (64 վանդականոց) 2017թ Երևանի առաջնության ավարտի հաջորդ օրը անցկացվեց մինչև 13 տարեկան պատանիների Երևանի աառաջնությունը: Շվեյցարական մրցակարգով ՝ 8 տուրով ընթացած ստուգատեսին մասնակցեցին Երևանի տարբեր դպրոցների 44 շաշկիստներ: Հերթական անգամ մրցությանը տվողներ իրենց լավագույն կողմերով դրսևորած <Ուսում> հանրակրթական դպրոցի(տնօրեն Սուսաննա Թամարյան) սաներն էին ,ովքեր հանդես են գալիս ռուսական շաշկու ՀՀ բազմակի չեմպիոն Նշան Ալավերդյանի ղեկավարությամբ: Այս կրթօջախում շաշկու զարգացմանը առանձնահատուկ մեծ ուշադրությունէ դարձվում:Դրանով է նաև պայմանավորված , որ թե՛ Հայաստանի և թե՛ մայրաքաղաքի առաջնություններում հիմնականում մրցանակակիրներ են դառնում գերազանցապես հենց այս դպրոցի աշակերտները: Այս առաջնությունն էլ այդ առումով բացառություն չկազմեց: Անհաշտ , լարված , հետաքրքիր ու աշխույժ մրցապայքարում ընթացած ստուգատեսում ի վերջո 8տուրից հետո 7-ական միավորով 1-2-րդ տեղերը կիսեցին <Ուսում> հանրակրթական դպրոցի սաներ ՝Արտակ Սահրադյանն ու Խաչատուր Հակոբյանը: Նրանց միջև անցկացված լրացուցիչ մրցամարտում հաջողությունն ուղեկցեցՀՀ փոխչեմպիոն Արտակ Սահրադայնին ,ով էլ հռչակվեց 2017թ Երևանի չեմպիոն: Խաչատուրին բաժին հասավ 2-րդ տեղի համար սահմանված մրցանակը: 3-4-րդ տեղերը հավասար արդյունքով ՝ 6,5-ական միավորով բաժանեցին վերևում հիշատակված դպրոցի աշակերտներ ՝Ֆելիքս Թոխյանն ու Դավիթ Գալստյանը: Նրանց միջև անցկացված լրացուցիչ մրցամարտում էլ հաղթեց Ֆելիքս Թոխյանն , ով էլ դարձավ 3-րդ տեղի մրցանակակիրը: Իսկ Դավիթ Գալստյանն այս անգամ բավարարվեց 4-րդ տեղով: Ինչպես նշեց հանրապետությունում մարզաձևի տարածման մեծ ջատագով Նշան Ալավերդյանն այս առաջնության 20-ից ավելի մասնակիցներ լրացրեցին մարզական տարբեր կարգեր, իսկ 10-իցավելի շաշկիստներ էլ բարելավեցին իրենց մարզական կարգերը: Մարզիչը տեղեկացրեց ,որ այս տարիքային խմբի պատանիների ՀՀ առաջնությունը ֆեդերացիան մտադիր է կազմակերպել աշնանը՝ հոկտեմբերին ,սակայն մինչ այդ՝ մոտակա ժամանակներում ֆեդերացիայի նախաձեռնությամբ կկազմակերպվի նաև պատանիների շաշկու ՀՀ գավաթի խաղարկությունը: Հարկ է նշել , որ առանձնակի մեծ ծախսեր չպահանջող մարզատրամաբանական այս հետաքրքիր մարզաձևը վերջին տարիներին Հայաստանում գոյատևում է ու մեծ դժվարություններ հաղթահարելով որոշակի զարգացում է ապրում հենց միմիայն շաշկու ՀՀ ֆեդերացիայի նախագահ Ալբերտ Պողոսյանի և Նշան Ալավերդյանի էնտուզիազմի , նախանձախնդրության, եռանդուն գործունեության , գործին անմնացորդ , և անսահման մեծ նվիրվածության շնորհիվ, քանի որ ֆեդերացիան արդեն տարիներ շարունակ ՀՀ սպորտի և երիտասարդության հարցերի նախարարության կողմից անուշադրության է մատնված ու չի ֆինասավորվում: Պատրաստեց Արամ Ուգուջյանը: