Ռուսաստանի Սոչի քաղաքում տեղի է ունեցել ռուսական շաշկու պատանիների մինչև
10 տարեկանների աշխարհի առաջնությունը, որտեղ փայլուն հանդես եկավ
Ալեքսանդր Գրիգորյանը` նվաճելով աշխարհի փոխչեմպիոնի կոչումը: Այս
հաջողությունն աննախադեպ է հայաստանի համար:
Նմանատիպ հաջողություն
Հայաստանը ունեցել է այս տարի Եվրոպայի պատանիների մինչև 10 տարեկանների
առաջնությունում, որտեղ Ռուբեն Պետրոսյանը գրավել էր պատվավոր 2-րդ տեղը:
Ալեքսանդր
Գրիգորյանի և Ռուբեն Պետրոսյանի մարզիչն է Հայաստանի շաշկու բազմակի
չեմպիոն Նշան Ալավերդյանը: Նշենք նաև որ Ալեքսանդր Գրիգորյանը Հայաստանի
մինչև 12 տարեկանների չեմպիոնն է, իսկ Ռուբեն Պետրոսյանը փոխչեմպիոնն է:
Նրանք երկուսն էլ Ուսում հանրակրթական դպրոցի սաներն են:
Այժմ
Հայաստանում Ուսում հանրակրթական դպրոցը միակն է որտեղ սովորում և
պարապում են շաշկի, և պատահական չէ որ Ուսումի սաները մեծ հաջողությունների
են հասնում պատանիների և աղջիկների Երևանի, Հայաստանի և միջազգային
առաջնություններում: